Sjaldnast er fréttamiðill aðalfrétt vikunnar, en þær breytingar sem Morgunblaðið gerði á ritstjórn og fækkun starfsfólks á blaðinu hlýtur að vera aðalfréttin á þessum köldu haustdögum.  Morgunblaðið fékk gífurleg viðbrögð við þessum breytingum, sumum skipti þetta litlu, aðrir ætla að fylgast spenntir með þessu “nýja” málgagni XD en meirihlutinn lýstu þó yfir að þeir ætla að hætta að lesa blaðið og mótmæla þannig þessum fáranlegu breytingum sem MBL gerðu á stjórn blaðsins.  Viðbrögðin á www.facebook.com voru flest þau að fólk ætlar að hætta lesa blaðið sökum þessara breytinga og “status”-inn hjá fólki, lýsti hneykslun fólks.

Þann 2.nóvember næstkomandi verður blaðið 96 ára gamalt.  Það kom fyrst út þann 2.nóvember 1913 af þeim Vilhjálmi Finsen og Ólafi Björnssyni.(heimild: mbl.is) Blaðið var lengi notað sem málgagn Sjálfstæðisflokksins og það er ljóst af þessum breytingum að það hafi nú lýst beinlínis yfir að það sé það á ný, því vissulega fjarðlægðist blaðið einhverjum flokkadrættum sem það hafði áður fyrr en hefur alltaf hneigst til hægri.

Á vefi Blaðamannafélagi Íslands, www.press.is var vissulega búið að skrifa um þessar breytingar hjá Morgunblaðinu:

,,Stjórn Blaðamannafélags Íslands kom saman til fundar í kvöld til að ræða viðburði dagsins hjá Morgunblaðinu. Í ályktun sem stjórnin sendi frá sér eftir fundinnn eru fjöldauppsagnir á blaðinu harmaðar og bent á að verið sé að segja upp blaðamönnum með áratugareynslu í nafni hagræðingar en á sama tíma sé ritstjórum fjölgað úr einum í tvo.  Þá lýsir stjórn B.Í. yfiri þungum áhyggjum af stöðu fjölmiðla í landinu enda hafi hundruð blaðamanna misst vinnuna á síðustu vikum og mánuðum.” ( Heimild: http://www.press.is/ )

Persónulega finnst mér þetta afskaplega leiðinleg þróun, manni finnst beinlínis vegið að málfrelsi og prentfrelsi.  Á meðan þeir ráku fjöldann allan af blaðamönnum, þá fjölgaði ritstjórum. Hvernig hagræðing er það? Eru ekki ritstjórarnir með hærri laun? Svo spyr maður sig, hvort þetta sé bara ekki dauðateigur deyjandi blaðs.  Í sjónvarpi þegar þáttur er að missa áhorf þá er oftar en ekki fenginn einhvað nýtt, frægt, umdeilt, stórt nafn til að rífa áhorfið upp en þeir hafa lært að það virkar ekki lengi. Morgunblaðið hlýtur að fá að kynnast því þegar þeir hafa ekki undan að svara símanum, þegar fólk er að hringja inn og segja blaðinu upp, og sjá minnkandi vinsælir blaðsins.

Það er þó ljóst að mbl.is hefur verið vinsælasti vefrit landsmanna en vinsælir hljóta að minnka útaf þessum breytingum.  Við þetta fór ég að rannsaka aðra veffréttamiðla og þetta er afraksturinn: www.ruv.is, www.visir.is og www.vedur.is. Síðan auðvitað eru afbragðs erlendir fréttamiðlar sem við hefðum öll gott að kíkja stundum á www.telegraph.co.uk, www.bbc.co.uk, http://news.sky.com/skynews/UK-News. Síðan fann ég nokkra aðra íslenska fréttamiðla sem voru þó greinilega málgagn stjórnmálaflokka, og taldi þá því ekki með.  Hvað varð um hlutleysi fréttamiðla eiginlega?

Mér lízt vel á Önglar, Tobba. Í stað fyrir Öngulstaðahreppingar þá er það bara Önglar. Frá hvaða hreppi ertu þú? Heyrðu, ég er Öngull. Hahahaha!.. Snilld

Þegar ég var að labba í tíma í morgun, var stödd á háskólasvæðinu þegar ég tók eftir að það eru allt morandi í eftirlitsmyndavélum um allt háskólasvæðið. Fór að pæla í þessu, er verið að vernda okkur eða riðjast í einkalífið? Hef ég ekki rétt á sem einstaklingur að ganga um háskólasvæðið án þess að það er fylgst með manni? Auðvitað er talsvert að verðmætum í Háskólanum, tölvur og annað og vissulega er þetta þá þjófavörn, en eins og samfélagið er í dag, skilst manni að þessir aumingjar láti það ekki stoppa sig. Erum við að breytast í kúrekana í vestri, sem fylgjast með öllum sínum þegnum, náið, og varla ekki hægt að pissa í friði. Oh, jæja - bara pæling.

… bezt að fara fylgjast með…  er einhvernveginn ekki í lærdómsstuði í dag.. langar heim, undir sæng með friends í tækinu..hmm…

my head is overflowing
with dreams that are growing

into what, into what?
I do not know, I do not know..

–

Afskaplega haustlegt sjal hlýjar mér nú um hálsarætur. Nú vantar mig aðeins sixpensara og lúkið er complete fyrir veturinn..

hmm…

In autumn when the trees are brown
The little leaves come tumbling down
They do not make the slightest sound
But lie so quietly on the ground
Until the wind comes puffing by
And blows them off towards the sky.

(Heimild: http://www.spritzels.com/poems/autumn.html )

Fannst þetta ljóð einkar viðeigandi þar sem ljóst er að fallega íslenska haustið er loksins komið.  Gult, grænt, appelsínugult, sinnepsgult, dökkgrænt, ljósgrænt, fjólublátt, bleikt, dökkbleikt, rautt, dökkrautt og svo mætti lengi telja.  Það jafnast ekkert á við litafegurð haustsins.  Sérstaklega finnst mér runnarnir sem breyta um lit áður en laufin falla á haustin, laufin fara frá sínum venjulega græna lit í bleik, rauð og fjólublá. Reyndi að festa þetta á filmu síðasta haust en eigum ekki nógu góða myndavél. Vildi að ég gæti tekið mynd af þessu, því þá myndi ég prenta það út og hengja upp á vegg. Var búin að sjá fyrir mér að maður gæti tekið nokkrar myndir af haustinu og setja í litla ramma og hafa það sem myndaröð af haustinu. Þyrfti eiginlega að fjárfesta í límbyssu, því þá væri hægt að taka fullt af svona laufum sem eru svo flott á litin og líma bara á eitthvað.. sem hægt væri að hengja upp. hmm.. þarf að pæla aðeins í þessu..

Mæli með fyrir þá sem eru staddir fyrir norðan að heimsækja Fnjóskadalinn í haustlitunum, dalurinn er ofsalega fallegur í haustlitunum. Mikið vildi ég að ég væri stödd þar núna, og gæti drukkið í mig fegurðina.

Frá fegurð haustsins yfir í verkefni í skólanum, þá er bara að segja frá því að framsögurnar gengu vel. Ég verð alltaf jafn nervus, þótt ég reyni að sannfæra mig að ég sé ekki nervus. Jæja,.. ekkert við því að gera nema æfa,æfa og æfa sig meir í að tala fyrir framan fólk.  Fyrri framsagan fjallaði um Ungbarna og barnadauða á Íslandi, sem er bara mjög áhugavert efni því eins og flestir vita þá var tíðni ungbarna- og barnadauða mjög há, og var hvað hæst í Móðurharðindunum og fyrri hluta 19.aldar. Hinsvegar lækkaði tíðnin mjög ákveðið seinni hluta 19.aldar og það var mjög áhugavert hvað reyndist vera helsta ástæðan fyrir því.  Raunin var nefnilega sú að íslendingar voru á þessum tíma, með eitt hæsta læsi á Norðurlöndunum sökum húslestrar, farskóla, heimakennslu og kröfum presta um læsi barna fyrir fermingu.  Síðan um miðja 19.öld hófu læknar eiginlega herferð til að minnka tíðni ungbarna og barnadauða.  Danski læknirinn P.A. Schleisner gaf út skýrslu um óeðlilega háa tíðni barnadauða, og reyndi að gera íslendingum grein fyrir hve þetta var óeðlilegt.  Einnig var gefið út Skýrslu um landshagi og læknar reyndu að predika yfir sveitungum sínum um hreinlæti, rétta matarvenjur, brjóstaeldi og í raunini rétt barnaeldi. 

Einn læknir í Nesþingum, Halldór að nafni, þótti nóg um og predikaði stanslaust yfir bændum, í hvert skipti þegar komið var saman.  Hélt fyrirlestur um hús - þoldi ekki “moldarkofanna” og vildi að bændur skiptu yfir í timpur og steypu, einnig reyndi hann að bæta um hreinlæti, klæðnað, neysluvatn og eins og allir aðrir læknar og menntaðar ljósmæður - mikilvægi þess að gefa börnum brjóstamjólk. Mjög óalgengt var að gefa börnum sínum brjóstamjólk að drekka, þó var það svæðisbundið, var til dæmis algengara á norðurlandi en nánast óþekkt á vesturlandi.

Afskaplega áhugavert efni, og glöð að ég valdi það - hugsa að ég reyni að rannsaka ungbarnadauða í Öngulstaðahreppi og hvernig þróunin var þar, hvort brjóstaeldi var algengt. Hef það með í ritgerðini, ungbarnadauði fellur undir það sem kallast byggðasaga, en það er efni BA ritgerðarinnar, byggðasaga öngulstaðahrepps, þó ég ætla nú að reyna finna skemmtilegra heiti á hana, þegar líður á skriftir í vor.

jæja, ætla fá mér eitthvað heitt að drekka, haustvindurinn smígur hérna inn og ég er að frjósa..

kveðjur..

8.september og allt komið á fullt í skólanum. Framsögur framundan í næstu viku, held meðal annars framsögu um ungbarnadauða á 19.öld og þróun í þeim efnum fram á 20.öld sem og þróun læknavísinda og hreinlæti íslendinga í tengslum við ungbarnadauða. Er líka reyna að klára allar framsögur sem fyrst, sem og önnur verkefni. Búin að ákveða ritgerðarefni í 2 kúrsum af 3. Ritgerðirnar verða tengdar BA ritgerð, ætla reyna velja ritgerðarefni, tengt efni BA ritgerðar svo hægt sé að nota sömu heimildir, sem sparar mér vinnu - slæ tvær flugur í einu höggi. Í kúrsinum Menntun kvenna og mótun kyngervis verð ég að skrifa um mjög áhugavert efni, Laugalandsskóla í Eyjafjarðarsveit, s.s. um Laugalandsskólann sem kvennaskóla - á síðari hluti 19.aldar og nýt mér þær heimildir í ritgerðinni, því menntun Öngulhreppinga verður m.a. eitt af rannsóknaratriðunum í BA.

Vá, svona er maður orðin fullorðin!..hehe.. situr langt fram á kvöld að lesa - les þegar maður kemur heim og varla gerir ekkert annað en að hugsa um skólann. OG bara 8.september!

… segir maður annars Öngulhreppingar?.. Hvað segir Pabbi??